Двата позитивни случи на коронавирус кои во статистиката на Министерството за здравство се водат како од Струмица се од други две општини од поширокиот регион, објави градоначалникот на Струмица Коста Јаневски на својата ФБ страна, откако во денешната вкупна бројка што ја објави министерот Венко Филипче по место на живеење има двајца заболени од Струмица. Според Јаневски една пациентка е во домашна изолација а другиот во државен карантин во Маврово.
,, Сакам со Вас да ја споделам информацијата дека на територијата на општина Струмица до сега нема ниту еден докажан позитивен пациент со корона вирус. Двата случаи регистрирани во статистиката на Министерството за здравство, се од други две општини во поширокиот регион. Едната пациентка е во домашно изолација и е во добра здравствена состојба, а другиот позитивен пациент се наоѓа во државен карантин во Маврово,, објави градоначалникот Јаневски кој повик уште еднаш да се почитуваат препораките од надлежните против ширењето на коронавирусот
,, Држете дистанца, избегнувајте блиски контакти, не се групирајте, останете дома и почитувајте ги и другите мерки. Ви благодарам за дисциплината и одговорноста кои ги покажавте во овие вонредни околности. Ве охрабрувам и понатаму да се однесуваме уште подисциплинирано и поодговорно кон сите препораки. Со мерките коишто ги презема општина Струмица и Вашата поддршка, заедно ќе успееме полесно да го надминеме критичниот период којшто се очекува,, напиша градоначалникот Јаневски на својот ФБ профил.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
