Општина Босилово ја доби првата градинка за згрижување и воспитување на децата до 6 годишна возраст. Градинката „Среќни насмевки“ е со капацитет од 55 деца а 12 ќе бидат во детските јасли. Сите тие ќе бидат згрижени според најсоодветните стандарди за вршење на оваа дејност. Вака беше истакнато на деншеното ставање во употреба на првата детска градинка во општина Босилово за што пристуни беа и премиерот Зоран Заев,минситерката за труд и социјална политика Јагода Шахпаска и градоначалникот на Босилово Зоран Зимбаков
„Со изградбата и реконструкцијата на квалитетна инфраструктура за предучилишно образование ги јакнеме и професионалните компетенции на кадарот во градинките, кој има одговорна задача во процесот на градење на личноста на идните наши генерации. Од почетокот на мандатот на оваа Влада до денеска, отворени се 8 градинки со вкупен капацитет од 551 дете, а до крајот на 2021 година, во план е отворање на уште 13 градинки со вкупен капацитет од 1.384 деца“, истакна Заев.
Градинката „Среќни насмевки“ e изградена и опремена со средства обезбедени од Министерството за труд и социјална политика, во износ од 14,8 милиони денари, и со средства на Општината Босилово во износ од 750.558 денари.
,,Конечно децата од руралните средини ќе имаат исти услови и третман како и децата од урбаните средини. Имајќи го во предвид денешното забрзано темпо на живеење родителите имаат се помалку време за целосно да им се посветат на своите деца, да им ги обезбедат сите услови за игра и правилен развој. Затоа детската градинка како установа која ја опфаќа детската популација од претшколска возраст има голем придонес во формирањето на младата личност што е предуслов за просперитетна иднина,, истакна градоначалникот Зимбаков.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
