Еко активистите предводени од Здрава Котлина денеска организираа протест со перформанс ,,Погреб на Мајката природа,, со цел да го изразат своето незадоволство од изградба на Леарница за алуминум во близина на општинскиот центар Ново Село. Според нив леарнициата се наоѓа и до единствениот извор за водоснабдување на Ново Село. Активистите велат дека сите леарници во земајва се Г1 а не Г2 како што некој сака да го протурка обејктот во Ново Село.
,,Леењето на легури од алуминиум е обоена металургија со законска класификација Г1.3 и која како тешка и загадувачка индустрија не може да се гради на помалку од 5 километри од населено место или заштитено подрачје. Како може сите да се Г1.3, а нашата да биде Г2. Зошто тоа некој би го направил и по која основа? Тука нема законска основа и се работи за прекршување на законот,, кажаа активистите кои најавија низа активности со кои ќе го спречат отворањето на овој објект
Градоначалникот на Ново Село Ѓорѓ Божинов најави дека фабриката ќе била Г2 индустрија а не Г1. Тој најави дека при последната контрола со експертите, фабриката ниту загадувала ниту пак со приложените документи ќе загадува. Доколку се случи тоа, тој ќе биде првиот што со голи раце ќе разгради објектот бидејки и тој живеел во непосредна близина. На ФБ тој напиша дека никој не може да ја убие чистата животна средина под Беласица и Огражден и ги повика сите заедно со голи раце да се разгради се она што е штетно по здравјето на граѓаните.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
