По повод петгодишнината од постоењето на граѓанската иницијатива „Ја Штитам Беласица“ која досега има реализирано повеќе еко акции, во недела на 30-ти март организира планинарска тура. Истата ќе започне од паркингот кај Колешинскиот водопад, па покрај водопадот се оди до местото викано ,,Пот“ за да на крај завршат на локалитетот ,,Почивало“.
,,Како дел од акцијата, учесниците ќе бидат дел од чистење на отпадот по патеката, како начин да се зачува природната убавина на Беласица за идните генерации. По завршувањето на турата, ќе се вратат кај Колешинскиот водопад, каде ќе имаат можност да уживаат во вкусни специјалитети од локалната кујна. Оваа тура не е само прилика за славење на успехот постигнат во заштитата на природата, туку и за понатамошно мотивирање на сите да продолжат со енергија и страст да го чуваме природното богатство на Беласица,, се вели во повикот на активистите од иницијативата „Ја Штитам Беласица“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
