Вечерва или поконкретно во недела наутро на 26 октомври, преминуваме на зимско сметање на времето. Зимското сметање на времето започнува во три часот наутро, кога стрелките се поместуваат наназад, т.е. до два часот.
Оваа промена има значително влијание врз здравјето на луѓето. Бидејќи циркадијалните ритми се нарушени, квалитетот на вашиот сон ќе биде нарушен, а расположението ќе биде лошо.
Секоја година, зимското сметање на времето почнува во последниот викенд во октомври и трае до последниот викенд во март следната година, кога повторно настапува летното сметање на времето.
Освен кај нас, зимското сметање на времето го применуваат и поголем дел од државите на европскиот континент. Европскиот парламент на 4 март 2019 година изгласа да биде укинато сезонското поместување на времето од 2021 година, но Советот на ЕУ се уште нема донесено конечна одлука.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
