Во недела во организација на ЗПСК Маратон ќе се одржи традиционалниот планинарски марш „По патеките на Мис Стон“ до иселеното место Нивичино над брана Турија каде своевремено се чувала мисионерката од четата на Атанас Брадата Нивичански. Организаторите на маршот деновиве имаа средба со градоначалникот на Василево Славе Андонов со кого се дефирнираше подршката од локалната самоуправа за реализација на маршот по 11 пат.
„Според Програмата на организаторот маршот ќе се одржи на 29.05.2022 година (недела). Сите заинтересирани учесници во 07,30 часот треба да бидат на брана Турија, од каде што организирано се тргнува кон с. Нивичино. Се пешачи по следната маршута; брана Турија – Јурукова колиба – Павлова ливада – Железен дол. Пристигнувањето во Нивичино е планирано за околу 12,00 часот. За во 14,00 часот планирано е доделување на благодарници за учесниците, по што во 14,30 започнува враќањето кон брана Турија“ информираат од планинарското здружение „Маратон“.
За сите учеснници организаторот подготвува заеднички ручек. Учесниците неопходно е со себе да понесат прибор за јадење и вода за пиење.
Патеката е средно тешка и е погодна за планинари на возраст од 07 до 77 години.
Заинтересираните за овој планинарски марш, неопходно е своето учество да најават на телефонскиот број 071 253 203 најдоцна до 26.05.2022 година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
