Во недела (03.11) во дворот на црквата „Св Никола“ во Градашорци ќе се одржи традиционалната „Празијада“ на која се очекува да присуствуваат голем број гости од земјава и странство. Целта на ова манифестација е да се промовира производството на праз но и сите придобивки и предности на ова растение за кое нутриционистите апелираат да биде дел од секојдневната трпеза. Манифестацијата се очекува да започне во 12 часот и да понуди голем број на специјалитети од праз за посетителите приготвени од домаќинките од Општина Василево но и добра забава со Игор Димовски со Пауза за ракија
,, Нашата цел е да со ова манифестација да ги споиме на едно место производителите и купувачите, да докажеме дека од празот се подготвуваат разновидни специјалитети но и да направиме спој на нашето автохтоно производство со нашата традиција, фолклор, песна. Годинава ќе оддадеме и признанија на дел од производителите на праз бидејки како општина сакаме да ги поттикнеме нашите земјоделци да го зголемат производството,, изјави за Дрнка.МК Славе Андонов градоначалник на Општина Василево
Во рамките на програмата свој настап ќе имаат учениците од ООУ Гоце Делчев од Василево како и КУД Кирил и Методиј од Иловица. Со нивните интерпретации и кореографии ќе се презентира и македонската изворна песна и фолклор. (М.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
