Во среда вечер во центарот на Моноспитово кај Центарот за развој на алтернативниот туризам а во рамките на манифестацијата ,,Босилово културно лето 2024“ ќе има Вечер на македонска народна музика. Ќе настапат Ленче и Горан Кукиќ, Елена Велеска, Перо Христов и група Јупитер. Сите тие ќе ја пренесат магијата на убавата фолк песна. На репертоарот се очекува да бидат стари изворни традиционални но и новосоздадени фолк песни кои и млади и стари ги знаат и се неизбежен дел од македонската фолк сцена.
,,Босилово е единствена рурална општина која организира културно лето и сметам дека имаме потенцијал. Од година на година растеме и верувам дека оваа ќе остане добра традиција. За жал во руралните средини има многу скромен социјален живот и покрај инфраструктурата, тоа е една од причините за големата миграција село-град. Оваа година предвидуваме голема и богата програма за Босилово културно лето 2024. Имавме настан под мотото “Музика за сите генерации” театарска претстава а сега во Моноспитово ќе организираме ” Вечер на народната музика” на која ќе се пее и игра во духот на македонската фолк традициа. Ги повикувам сите граѓани, на само на општина Босилово туку и на поширокиот струмички регион, да дојдат, да ја посетат оваа вечер бидеки ќе биде уникатна,, кажа градоначалникот Ристо Манчев
На оваа вечер се очекува и настап на повеќе културни уметнички друштва од Општина Босилово. Паралелно за сите пристуните во Монопситово ќе има штандови за храна и освежување што преставува дополнителна мотивација да се биде присутен на вечерта на македонската народна музика ( В.Трајков )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
