Вкупно 24 екипи од струмичкиот регион но и од земајва ја стартуваат трката за освојување на првите три места на Новогодишно-Божиќниот турнир во мал фудбал кој ќе се одржи во салата Тодор Александров во Куклиш општина Струмица. Турнирот започнува утревечер (16.12) со почеток во 19 часот а наградниот фонд изнесува 190 илјади денари од кои 100 илјади ќе бидат за најдобриот тим, 60 илјади за второпласираниот состав додека победникот во малото финале ќе добие 30 илјади денари. Паралелно предвидени се награди за најдбоар играч, голман и најдобар стрелец.
,,Станува збор за силен турнир според имињата на составите кои се пријавени на турнирот. Очекуваме да гледаме доста интересни и неизвесни натпревари, бидејки во Куклиш доаѓаат најдобрите футсал играчи од цела држава. Турнирот ќе трае до 10 јануари кога е закажно и големото финале. Има пријавено екипи од Скопје, Кавадарци, Велес и едно 12 екипи од струмичкиот регион. Секоја ден во 19, 20 и 21 часот ќе има натпревари во спротската сала во Куклиш ќе има што да се види,, ни изјави Александар Марковски еден од организаторите на турнирот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
