Утре на програмата се мечевите од четвртото коло од Општинската фудбалска лига на Струмица каде најинтересно ќе биде во Куклиш. Се игра дерби на колото каде Интер Кукла го пречекува комшијата Спартмани од Градско Балдовци меч од кој ќе зависи кој ќе биде на лидерската позиција. После повеќе години пауза, овие две населени места повторно фудбалски ќе се соочат што дополнително му дава ,,жар“ на овој дуел. За потсетување куклишани се лидери без пораз а Спартмани со две победи и едно реми заостанува два бода по три одиграни кола
Интересно ќе биде и во Ново Село. Таму Огражден го пречекува Илинден од Добрејци Новоселчани ќе ја бараат втората победа додека гостите од Добрејци патуваат со намера да фатат приклучок кон водечката тројка
Дрвош му гостува на Слога од Злеово додека во Пиперево се среќаваат Единство и Напредок од Радово две екипи кои досега немаат победа. Сите мечеви почнуваат во 13 часот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
