59 годишен струмичанец претпладнево околу 11 часот е исклучен од сообраќај откако возел под дејство на алкохол. При контролата кај него биле откриени над 2 промили алкохол во крвта. Вака соопшти МВР чии мобилни едници за безбедност во сообраќајот, четврти ден се со засилени акциски контроли во Струмица. Портпаролот на МВР Тони Ангеловски ни изјави дека на лицето паралелно му е одземена и возачката дозвола и апелираше до сите учесници во сообраќајот да ги почитуваат сообраќајните правила и прописи.
,, Претпладнево во Струмица од сообраќај е исклучен возач кој возел во алкохолизирана состојба односно возел со над 2 промили алкохол во крвта. Акциските контроли имат за цел поголема безбедност во сообраќајот. Се казнуваат учесници кои брзо возаат, вршат непрописно престигнување, немаат возачка или пак управуваат возило под дејство на алкохол,, рече Ангеловски кој истакна дека контролите продолжуваат и понатаму
Ова е четврти ден како се вршат контроли врз учесниците во сообраќајот. За изминатите три дена санкционирани се 334 возачи од кои најмногу заради неприлагодена брзина дури 127 возачи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
