Деновиве, Општина Конче со сопствени средства асфалтираше неколку улици во населените места Горни Липовиќ и Дедино, кои на средби со граѓаните лани беа истакнати за приоритетни за реализација ова година. Станува збор за три улици во Горни Липовиќ со вкупна должина од 600 метри и две улици во Дедино со вкупна должина од 200 метри кои беа асфалтирани од фирмата Евроградба Инженеринг од Владевци, која на распишаниот тендер за реализација на овие улици достави најниска цена ,
,, Станува збор за улици кои на средби со граѓаните минатата година беа ставени како приоритетни и беа дел од годишната програма за изградба на локални патишта и улици на општината. Станува збор за ридско планински населени места во кои патната инфраструктура е од големо значење, имајки ја во предвид конфигурацијата на терено,, ни изјави градоначалникот на Конче Благој Илиев
Овие денови треба да отпочне и асфалтирање на уште една улица во Дедино за која мораше да се интервенира претходно со изградба на потпорен ѕид кој е во завршна фаза од страна на радовишката Техноинженеринг. Според најавите веќе идната недела би требало да почне асфалтирањето на тн улица 3 во ова населено место од страна на фирмата Пешо Инженеринг
Според градоначалникот Илиев во делот на патната инфраструктура наскоро ќе започна реконструкција и рехабилитација на лоаклниот патен правец Долни Липовиќ-Горни Липовиќ со изградба на мост на ,,Модра река’’. Се планира да се изгради и премин на патот кон населното место Габревци. Паралелно во ова општина во завршна фаза е санацијата на полските патишта преку АФПРЗ
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
