Утрово во Германија почина познатиот фолк пејач Васил Атанасов кој , кој на македонската јавност ќе остане запаметен по безвременскиот хит „Кој не раздели“. Атанасов потекнува од струмичкото село Дабиле. По завршувањето на средното музичко училиште во Штип беше член на повеќе музички групи. Во меѓувреме работеше и како наставник по музичко во Велјуса а неговите ученици го паметат како „распеаниот наставник“.
Како што објави ММС, Васил Атанасов подолго време се борел со болестите а вчера паднал во кома, му откажале бубрезите и утрово во пет часот починал.
,,На брат ми пред една години му го оперираа вратот по што веќе не можеше да оди, функционираше во количка. Јас и мојта внука Аница не го оставивме сам. Потоа доби шекер, па од шекерот му се оштетија бубрезите. Веќе три недели лежеше во болница во Лудвигзбург, јас и Анкица постојано бевме со него, по три пати во денот одевме да го храниме, самиот не можеше ниту да јаде ниту да пие. Синоќа по вечерата брат ми падна во кома, а утрово во пет часот ни се јавија да ни кажат дека брат ми починал, му откажале бубрезите,, изјавила за ММС неговата сестра Ленка додавајки дека телото на Атанасов ќе било погребано во Германија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
