Деновиве треба да отпочне функционирањето на мониторинг станицата за мерење на квалитетот на амбиенталниот воздух во Гевгелија, која е поставена на просторот кај ЈОУГД ,, Сончогледи’’, локација која беше утврдена од Министерството за животна средина и просторно планирање со претставниците од Секторот за урбанизам на Гевгелија.
Мерната станица е опремена со инструменти за озон, азотни оксиди, сулфур диоксид и јаглероден моноксид, секвенцијален нисковолуменски семплер за мерење на PM10 и PM2.5, како и метеоролошки сензори. Станицата ќе биде поврзана со националниот софтвер за следење на квалитетот на амбиентниот воздух (AIRVIRO) и ќе биде дел од националната мониторинг-мрежа за следење на квалитетот на воздухот на Министерството за животна средина и просторно планирање.
Мониторинг-станицата е набавена во рамките на проектот „Развивање и имплементација на здравствен индекс за загадување на воздухот во прекуграничниот регион“, финансиран преку ИПА програмата за прекугранична соработка Грција- Македонија на Европската Унија.
На предавањето во употреба на мониторинг-станицата во четврток ќе се обратат: министерот за животна средина и просторно планирање, Насер Нуредини, министерот за локална самоуправа, Горан Милевски, шефот на Делегацијата на Европската Унија, Н. Е. Дејвид Гир и градоначалникот на општина Гевгелија, Сашо Поцков.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
