Во Гевгелија три дена фестивал ,,Вкуси го југот“- ќе се прави ајвар, слатко од смокви, пече ракија, јагниња на ражен и многу музика

2398

Од утре па во наредните три дена Гевгелија повикува да се вкуси југот, бидејки ќе се организира второто издание на истоимениот фестивал ,,“Вкуси го југот- Taste The South”. Станува збор за фестивал кој ќе понуди многу музика, вкусна храна, квалитетни пијалоци но и позитивна енергија со многу забава и добро расположение.

Фестивалот ќе се одржува на паркингот на новиот пазар Сава Михајлов каде може да се ужива во наредните три дена бидејки оваа година ќе има и презентација на традицијата соопштија на денешната прес конференција Александар Аврамовски и Пане Темов. Како што истакнаа тие ќе се прави ајвар,слатко од смокви, пече ракија а како што кажа Пане Темов од Крафт продукција и печат јагниња на ражен со домашно пиво, вино и ракија.
Лани ,,Вкуси го југот“ во Гевгелија привлече голем број гости и посетители…..
На сцената на фестивалот оваа година покрај бројните културно уметнички друштва и музичари од локалната сцена и регионот, ќе ги видиме и слушаме: Викторија Лоба, Наум Петровски, Влатко Стефановски Трио, Пајак и Лара Иванова, Дац и Александар, Зијан, ХИТС ТРИО, Паркети, Фиц енд Д Инвизиблс (Студени нозе), а за хуморот со свој стенд ап ќе настапи познатиот гевгелиски комичар – Дејан Мазларков Диверзија.

Освен богатата музичка програма на фестивалот ќе има поставени штандови со вкусна храна и пијалоци од Гевгелија и регионот, како и домашни уметнички изработки. Не се изоставени ниту најмладите за кои повторно ќе има богата детска програма со детскиот фестивал Калинка.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.

ПОВРЗАНИ СТАТИИПОВЕЌЕ ОД АВТОРОТ