На 30-ти мај, во организација на Јуроп хаус Струмица, Гевгелија ќе биде домаќин на незаборавна музичка вечер по повод „Денот на Европа 2024“. Прославата ќе започне во 18:00 часот со концерт на детскиот интернационален фестивал „Калинка“, а ќе заврши со незаборавен концерт на отворено насловен „Рок Симфонија“, кој ќе биде во изведба на Камерниот Оркестар на Битола. Концертот ќе започне во 20:00 часот и ќе се одржи на Плоштадот во Гевгелија а два часа претходно ќе има муизика од фестивалот Калинка.
,,Овој уникатен музички настан ќе ги обедини звуците на класичната музика и енергијата на рокот, нудејќи неповторливо искуство за сите присутни. Заедно со оркестарот, на сцената ќе настапат и познати македонски изведувачи како Дани Димитровска, Ружица Брчиоска (АРЕА), Јасна Димитровска, Сашо Паркет и Наде Талеска, кои со својата уникатност ќе ги испеат најпопуларните македонски рок песни,, се вели во информацијата на до Јуроп хаус Струмица
Од таму ги повикуваат сите лубители на музиката да дојдат во Гевгелија на 30-ти мај и да бидат дел од едно музичко патување кое ќе се памети долго време.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
