Општина Гевгелија и годинава ќе организира заеднички дочек на Новата година на градскиот плоштад, што веќе преминува во традиција како единствена општина во Југоистокот која за своите граѓани нуди можност за организирано испраќање на старата и дочек на Новата година. За таа цел ќе има богата музичко-забавна програма . Како што информираат од општината граѓаните ќе имаат можност да уживаат и забавуваат концерт на Ефто Пупиновски и „Милениум бенд“, а во продолжение ќе настапат „Либра бенд“.
На програмата се и „Европорта Фест“ во организација на Здружението „Внимание“- Гевгелија на кој ќе настапат млади музички таленти од општина Гевгелија со изведба на домашна и странска музика и настапот на Ѓорге Митров. Помеѓу настапите на музичките изведби, за изнудување смеа кај присутните на новогодишната забава, е задолжен гевгелискиот stand-up комичар, Дејан Малзарков, со неговото шоу „Диверзија“. Водител ќе биде Никола Опров,
„Гевгелија заслужува да биде урбано место со богата музичка содржина преку целата година. Водејќи се од тоа дека традицијата треба да се негува, граѓаните ќе имаат можност заеднички да ја дочекаат Новата 2025 година на Градскиот плоштад во Гевгелија“- истакна градоначалникот на општина Гевгелија, Андон Сарамандов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
