Вкупно 16 милиони денари ќе се инвестираат во Владевци во повеќе проекти кои ќе придонесат нов урбан лик на ова населено место. Вака најави првиот човек на општина Василево Славе Андонов откако инвестициониот циклус го најави со партерно уредување на новата црква како и реконструкција на кошаркарското игралиште.
,,Во Владиевци следува изградба на проекти во вредност од околу 16.000.000 денари. Започна партерното уредување, на дворот во новата црквата во Владиевци. Во текот на неделата ќе ги започнеме и дел од другите проекти предвидени за оваа населено место. Граѓаните на Владиевци ќе бидат сведоци на нови проекти со кои ќе се подобри животот во оваа населено место. Ветеното за Владиевци го реализираме“, стои во ФБ објавата на градоначалникот Андонов.
Според техничката документација за уредување на просторот околу црквата, по подготвителните работи ќе следува уредување и оплеменување на просторот со бекатон плочки, изградба на пристапни патеки и зелен дел со трева. Уредувањето опфаќа и поставување на клупи и канти за отпадоци, оградување на целиот простор и поставување на две порти, предна и задна со што граѓаните ќе добијат комплетно нов уреден простор.
Од денес почна и реконструкцијата на кошаркарското игралиште кое е познато по турнирот во кошарка секоја година за време на празникот Богородица но и место каде младите се рекреираат и спортуваат.
Во рамки на реконструкцијата, игралиштето ќе добие нова ограда, нови кошеви, а во наредниот период ќе биде поставена и модерна тартан подлога, што ќе го направи ова игралиште прво од ваков тип во целата општина.
„Многу генерации деца, спортисти и натпреварувачи од Владиевци ќе ги создаваат своите најубави спомени токму на ова место,“ објави градоначалникот Андонов, потенцирајќи дека ова претставува уште еден чекор кон подобрување на квалитетот на живот и условите за спорт и рекреација во руралните средини.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
