Првиот човек на Општина Василево Славе Андонов, објави дека како локална самоуправа доставиле проект на повикот на Владата за доделување средства за општините. Општина Василево аплицираше и веќе ја достави комплетната документација за ,,Изградба на систем за фекална канализација во населенот место Василево“.
„Нека е за убаво! До Министерството за локална самоуправа, општина Василево достави значаен проект за финансиска поддршка од Владата. Изградба на фекален канализационен систем во населено место Василево. Овој проект беше носечки во мојата предизборна програма“, објави градоначалникот Славе Андонов
Градоначланикот објави дека во наредниот период ќе започне изградбата на краци од фекален канализационен систем и во Ангелци,Радичево и Пиперево согласно финансиските можности на општината.
80 општини од целата земја поднесоа околу 357 проекти за финансирање преку државниот буџет. Државата, преку ребалансот на буџетот, додели 100 милиони евра за подобрување на локалната инфраструктура. Овој голем интерес од општините ја потврдува потребата за итна реализација на инфраструктурни проекти, кои се од суштинско значење за подобрување на условите за живот..
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
