Почна да се гради фекална канализација во Василево. Станува збор за крак од 753 метри на потегот од Домот на Културата кон излезот на селото по што се планира да се продолжи со канализациона линија и кон гробиштата. Целата инвестиција за овој крак чини околу 53 илјади евра а тендерот како што објавивме го доби фирмата Портланд од Струмица. Според склучениот договор овој проект треба се заврши за околу 3 месеци а паралелно Општина Василево распиша јавна набавка и за другт крак во должина 542 метри.
,,Задоволството е обострано – и кај мене како градоначалник но и кај граѓаните на населеното место Василево бидејќи јас го исполнувам моето ветување а граѓаните на општина Василево и на населеното место Василево добиваат подобри услови за секојдневно функционирање. Повеќе нема да има излевање на септичките јами а со тоа ќе се заштити животната средина“, порача во својата изјава градоначалникот Андонов.
Тој најави дека и во наредниот период ќе работи на ова поле. На една од последните седници е донесена одлука за аплицирање со проекти за канализации во Ангелци и Пиперево со сопствено финансиско учество до повеќе државни институции.
„Но овде не застануваме, продолжуваме со реализација на фекална канализација и во населеното место Пиперево и во населеното место Ангелци. Мојата интенција е до крајот на мојот мандат во населеното место Василево да се изгради повеќе од 60 % од фекалната канализација. Со реализацијата на овој проект но и на сите останати проекти покажуваме дека наш интерес, наш приоритет се потребите на граѓаните“ рече Андонов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
