Јавниот простор кој се наоѓа на левата страна на патот од Домот на културата во Василево кон фабриката 11 Септември наскоро ќе добие нов лик. Преку ЛАГ Беласица Огражден а во партнерство на Општина Василево на овој простор ке никне зелен парк со спортско рекреативни содржини при што ќе биде опатено и постојното игралиште. Таму веќе почна да се работи и како што објави градоначалникот Славе Андонов ова нова катче ќе даде нова димензија на животот на граѓаните од овој дел на Василево
,, Се планира изградба на детско игралиште со нови модерни содржини, ќе има опрема за вежбање и рекреирање, парк и нови зелени површини со урбана опрема клупи и корпи за отпадоци. Паралелно ќе се реконструира и постојното игралиште, со поставување на нови стативи, мрежи, оградување со метални столбчиња и ново обележување ,, објави градоначалникот на Василево Славе Андонов
Тој подвлече дека во скоро време ќе се асфалтира и улицата покрај самото спортско катче каде се поставуваше канализација со што овој дел од Василево ќе го добие заслужениот изглед.
Инаку овој проект се реализира во рамките на проектот Програма за развој на заедницата кој е финансиран од УСАИД, а се имплементира на територијата на ЛАГ Беласица – Огражден (Локална акциона група – Беласица-Огражден), во партнерство со Мрежата за рурален развој на Македонија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
