Во недела на 15 ти декември со почеток од 18 часот во Домот на Културата во Босилово ќе се проектира легендарниот филм на Милчо Манчевски ,,Пред дождот“. Станува збор за филм кој има освоено над 30 награди на меѓународни фестивали меѓу кои и Златниот лав, ФИПРЕСЦИ, Индепендент спирит и Номинацијата за Оскар. Вброен е во академската програма на над 200 универзитети и има десетици книги и поглавија во светската стручна литература посветени на овој голем македонски филм.
Според информациите освен овој филм во Општина Босилово во наредниот период ќе бидат прикажани и останатите филмови на Манчевски како што се „Сенки“, „Мајки“, „Прашина“…
Општина Босилово веќе еден месец организира кино проекции во Домот на културата при што се прикажуваат македонски филмови. Влезот на кино проекциите е слободен а салата при Домот е затоплена.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
