Центарот за развој на Југоисточниот плански регион од Струмица доби почесна плакета од Асоцијацијата на југозападни општини на Бугарија со седиште во Благоевград. Признанието беше доделено за успешната соработка на двете организации кои во изминатите години реализираа голем број прекугранични проекти од кои интерес имаат жителите Југоисточна Македонија и Југозападна Бугарија.
Здружението на југозападни општини од Бугарија активно работи на јакнење на локалната самоуправа и поттикнување на граѓанското учество. Во рамките на својата мисија, здружението реализира проекти од регионално и меѓуопштинско значење, како и европски и прекугранични проекти.
Во повеќе годишна партнерска соработка со Центарот за развој на Југоисточниот плански регион имаат реализирани повеќе успешни проекти што оставија видливи резултати во локалниот развој и подобрување на квалитетот на живот во заедницата.
Последниот што овие две организации го имплементираа е „Прекугранична соработка во справување со шумски пожари” со кој пожарникарите од Југоистокот добија лична заштитна опрема за интервенција при шумски пожари
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
