Црвениот крст од Струмица заедно со струмичката полиција, денеска реализираа превентивна акција за подигнување на јавната свест за носење на заштитни маски за да се спречи ширењето на коронавирусот. На влезовите во Струмица, волонтери од Црвениот крст на сите патници што влегуваа во градот, им мереа температура и делеа заштитни маски за повеќекратна употреба но и едуцираа како да се носат.
„Целта на оваа превентивна активност е да ја подигнеме свеста на граѓаните и да укажеме на задолжително носење на заштитни маски и почитување на одлуките и препораките од Владата на Република Северна Македонија “, изјави Хризантема Рендевска
Од Црвениот крст информираа дека овие акции ќе продолжат и во наредниот период бидејки обезбедиле поголема количина на заштини маски како донација од една компанија која се покажала како општествено одговорна.
,,Со нашите волонтери ќе продолжиме да делиме заштитни маски, кои се донација од една општествено одговорна компанија, рече Маријана Тошева од струмичкиот Црвен крст која рече, дека сите што ќе покажат висока температура ќе бидат препратени до Центарот за јавно здравје
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
