Возилата со странски регистарски таблички ќе може да се регистрираат со 50% намалени давачки, соопшти министерот за економија Крешник Бектеши. Ова значи дека и сопствениците на возила со бугарски регистарски ознаки ќе може да ги регистрираат по пониска цена. Станува збор за предлог-закон кој попладнево добил зелено светло од Владата и сега ќе се чека да биде усвоен и од Собранието. Собранието.
„Сите возила кои заклучно 1 октомври 2020 година влегле во земјава и се со странски регистарски таблички ќе можат во рок од една година да се регистрираат со намалени давачки за 50% од утврдената вредност на сите давачки кои се наплатуваат при увоз од страна на надлежните државни органи. Сопственикот или корисникот на возилото или лицето кое ќе го купи возилото треба да ги има регулирано царинските и даночните обврски за возилото во рок од шест месеци од денот на влегувањето во сила на овој закон и да поседува важечка сообраќајна дозвола, осигурување и зелен картон“, објави министерот Бектеши
Премиерот Зоран Заев ова мерка ја најави при презентцијата на предлог Буџетот на државата при што по овој основ очекува во државната каса да се слеат околу 20 милиони евра. Инаку во струмичко но и во Југоистокот се претпоставува дека околу 20 одсто од возилата се со бугарски регистарски ознаки
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
