Екстремно лош, опасен по здравје. Вака алармираат мерните станици на Министерството за животна среднина но и на Општина Струмица, вечерва околу 20 часот и 30 минути. Пиковите на штетните ПМ 10 честички на сите мерни станици што ги постави општината се во црвена алармантна боја. На мерната станица кај ДСУ „Никола Карев“ во Струмица кај 20 часот и 30 минути, станицата покажа и над 700 микрограми штетни ПМ 10 честички на метар кубен. Околу 550 поокажуваше станицата кај ООУ „Никола Вапцаров“ а помалку станицата кај ООУ „Маршал Тито“. Високи концентрации на ПМ 10 честички односно над дозволеното имаше и кај градинката Виножито, влезот на Струмица од кај Радовиш и кај Мало стопанство на излезот од Струмица кон Дабиље но не како кај средното училиште Никола Карев.
Високи концентрации на штетни ПМ 10 и ПМ 2,5 покажува и државната мерна станица во кругот на ЈЗУ Здравствен дом во Струмица, односно во кругот на болничкиот комплекс вво Струмица. Станицата на Министерството за животна средина вечерва околу 20 часот и 30 минути покажа околу 300 микрграми ПМ 10 честички на метар кубен. Таа два дена покажа дека просечните дневни вредности на ПМ 10 честичките се над 150 микрограми на метар кубен.
Веќе два дена Струмица има екстремно загаден воздух. Министерството за животна средина објави дека е надминат прагот на алармирање на суспендирани честички со големина до 10 микрометри (надминување на вредноста од 150 mg /m3 во текот на два последователни денови), заради што даде препораки за засилени вонредни инспекциски контроли а граѓаните да се воздржуваат од излегување надвор.
Завчера заседаваше и Локалниот совет за превенција каде соопштија дека се потребни системски решенија за загадениот воздух во Струмица. Градоначалникот Петар Јанков подвлече дека има инспекциски контроли и дека против одредени лица се поднесени и кривични пријави. Тој потврди дека во Југоисточниот дел на Струмица е најголемо аерозагадвуањето и дека овој проблем е со години.(В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
