ВМРО-ДПМНЕ Струмица со реакција на соопштението на СДСМ Струмица кој денеска ја прозва Владата за селективност бидејки за струмичките детски градинки нема издадено ниту една согласност за вработување . Еве што стои во нивната реакција
„СДСМ Струмица не може да разбере дека времето на превработени институции, партиски вработувања и произволност се поминати. СДСМ Струмица ја убедува јавноста дека најголем проблем во Струмица замислете, било недостаток на вработени во локални установи. И тоа го прави на драматичен начин со злоупотреба на темата за градинките. А целата струмичка јавност знае дека Општината е помеѓу оние со најголем број на вработувања.
Помеѓу сите нерешени и натрупани проблеми во владеење од 20 години е оној со градинките. Односно, можноста сите наши деца да бидат сместени во детска градинка во еднакви услови. И сега, после 20-годишно владеење и два мандати власт виновникот наводно не е во СДСМ, туку во оној што не им дозволува да прават што сакат.
Грижата за децата не е само постоење на учителки и негувателки. Туку е во стандардите на работењето и условите во кои децата растат и се учат. Стандарди кои ги штитат здравјето и животот на децата и нивниот комплетен развој.
Во детска градинка со определен и утврден капацитет се примени поголем број на деца. Па потоа, им недостига персонал. Дали се примат дечиња надвор од предвидениот регион?
СДСМ да се запраша: дали децата заслужуват различни стандарди на третман?
Да се работеше континуирано на проблемот немаше да постои предизвик во оваа област. Се согласуваме со потребата секогаш да постои потреба од повеќе и по стручен кадар, но проблемите се натрупани од децениско несериозно однесување и лошо менаџирање со сите јавни институции на Општината.
Можеби затоа дури и минатата Влада често ги одлагаше барањата.
Решение за овој проблем и за редица други проблеми ќе следат многу скоро. Конечно струмичани ќе ја преземат одговорноста за сите процеси и проблеми во Струмица и таа ќе биде еднаква за сите“ – стои во реакцијата на ОК на ВМРО-ДПМНЕ Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
