Опозициската ВМРО-ДПМНЕ пред општинската зграда на Струмица одржаа протест за аерозагадувањето во ова општина но и заради неодговорните политики во однос на ова прашање. Со транспаренти за чист воздух во Струмица, тие го изразија своето незадоволство од неможноста да се справи власта со овој проблем,но и со пандемијата со коронавирусот во земјава која руши рекорди во новозаболени и починати.
Пратеникот Дајанчо Ефтимов подвлекувајки дека протестот се одржува според мерките за заштите од вирусот, рече дека овој регион стана најзагадено место, а бројките се поразителни не само во поглед на состојбата со загаденост на воздухот туку и со справувањето со пандемијата.
„Загадениот воздух повторно ќе ја постави нашата Струмица на врвот од загадени места за живеење, која за жал деновиве е меѓу првите погодени со кризата. Минатата година го прашавме градоначалникот до каде е со гасификацијата на Општата болница? Како може оџакот на болницата да биде причина за загадување, додека лечи респираторна пандемија? Ненародната влада очигледно не умее да се справи со состојбата и затоа треба да да ја потсетиме дека таа постои за граѓаните, а не граѓаните за власта,, кажа пратеникот Дајанчо Ефтимов од ВМРО-ДПМНЕ и ја повика Владата веднаш да ги ослободи од работа бремените жени и хронично болните граѓани, како во јавниот, така и во приватниот сектор.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
