Извршниот комитет на ВМРО-ДПМНЕ на редовна седница вечерва, на која се расправаше на повеќе теми меѓу другото утврди и нови кандидати за градоначалници за престојните Локални избори . Партијата донесе одлука да бидат објавени и кандидатите за три општини во Југоистокот. Станува збор за општините Струмица, Радовиш и Валандово.
Во Струмица ВМРО ДПМНЕ ќе оди со Петар Јанков бизнисмен, поранешен цариник и советник во Советот на Општина Струмица.
Во Радовиш оваа партија ќе оди со секретарот на општината и претседател на општинскиот огранок Љупче Почивалец.
Во Валандово ВМРО ДПМНЕ ќе оди со Ѓоко Камчев директор на Центарот за развој на Југоисточниот плански регион и поранешен пратеник во Собранието.
ВМРО ДПМНЕ не објави кандидат за градоначалник за Општина Дојран
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
