Наскоро треба целосно да биде готов влезот во големиот градски парк кај ,,чешмичката“. Станува збор за потег од околу 2000 квадратни метри од кај ресторанот Шалом па се до спомен обележјето на Благој Мучето. Таму поставени се нов травертин и гранит а подигнати се и нови пет жардинерии односно леи кои допрва треба да се посадат.
,,Влезот во паркот ќе биде уреден со столбови и ковано железо, а по завршувањето на работите ќе бидат поставени нови клупи и канти за отпад.Со овој проект, Струмица продолжува да расте и да создава нови зелени простори за сите наши граѓани,, напиша градоначалникот на Струмица Костадин Костадинов
Тендерот кој го распиша ЈПКД Комуналец минатата година го доби кумановската фирма ,,Стар Ќошар“ и за набавка, транспорт и монтажа на матријали за парк пред Хепинес во Струмица се предвидени да се потрошат 13,9 милиони денари.
Како што кажа градоначалникот Костадинов по завршувањето на овој потег ќе се пристапи кон реконструкција на паркчето кај Тинекс или поконкретно кај споменикот подигнат за загинатите во пожарот над градот Струмица. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
