Можеш повеќе да направиш ако не очекуваш ништо, но тоа не значи дека човек не треба да сонува. Ова е мотото што го движи музичарот Влатко Сапламаев од Богданци кој е на македонската музичка сцена веќе се докажа како автор, дел од Sap Brothers но и како член на се поактулениот бенд „You For You“ кој неодамна во Струмица одржа фантастичен концерт.
Од една страна полека ги освојува музичките хоризонти што како автор, пејач, инструменталист а од друга страна ја всадува љубовта кон музичките инструменти кај најмладите во Гевгелија , бидејки музиката е таа што ги сплотува сите.
Неодамна „You For You“ во Струмица одржа фантастичен концерт. Четворката: Иван Кукич пејач и басист, Зоран Трендов гитара, Ѓорги Стамков тапани и Влатко Сапламаев на клавијатури направија вистинско уживање и ја потсетија публиката на многу хитови а како гости ги поддржаа Стефан Илич гудачки кравтет и легендарната музичка рок звезда на два века, Дадо Топич.
„You For You е само еден нов хоризонт за Влатко Сапламаев кој паралелно е дел во дуото SAP Brothers кое исфрли и три сингла Љубов си ти, Шизни си, ААА, откако дел од своите емоции Влатко ги има оставено во неговите авторски композиции; Gift, Life, Sunrise.
Додека студира на џез академијата во Штип, стекнува искуство како џез пијанист со доста настапи и концерти. Сето ова негово искуство и музичко познавање подоцна води до настапи и соработки со посериозни музички имиња како од Македонија така и надвор од неа. Aquarius, Наталија Данаилова, Марија Ичкова, Коста Хаџикојчев, Џоко Танески, Дани Димитровска, Влатко Лозановски, Next Time, Иван Кукич, Дадо Топич, Бора Ескич, William Reynolds, The Mole Pack, FILCH,…..
Работа на музика за игри, аранжирање на композиции и песни, комплетен автор на песни и композиции, работа со хор и оркестар и ред други дејности поврзани со музиката се само предизвик за Влатко. Неколку години работи како наставник во нижото музичко училиште во Гевгелија и обожава да работи со деца. Тоа го исполнува а со неговите ученици по пијано има постигнато успеси на многу натпревари и смотри за пијано кај што неговите ученици се враќаат со награди.
,,Влатко е човек што верува во доброто во луѓето и живее за музиката. Некогаш неговите принципи надминуваат се што е реално, ама секогаш вродуваат успех. Може да постигне сѐ што ќе замисли. Понекогаш премногу претпазлив што мене дури ме нервира на моменти ама веројатно поради тоа и сме добар тандем што се надополнува меѓусебно“, вели неговиот брат Бранко.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
