Претседателот на македонскиот шампион – ОК Струмица Владо Милев, ќе ја извршува функцијата потпретседател на Одбојкарската федерација на Македонија. Ова е епилогот од редовното изборно собрание на ОФМ каде Петар Јовановски е реизбран за претседател а Милев заедно со Ајети се избрани за потпретседатели. Сите тие влегуваат во извршниот одбор каде ќе бидат и Никола Мицески, Зоран Карановиќ и Кирил Калеников
Владо Милев е добро познат на македонската одбојкарска сцена. Одбојкар со големо искуство. Сеуште активен играч и репрезентативец аод пред некоја сезона е претседател на ОК Струмица кој и понатаму го држи приматот во мак одбојката. Успеа да воспостави соработка со полскиот гигант Јастржебски.
Како потпретседател на ОФМ фокус на Милев ќе му биде развој и унапредување на македонската клупска и репрезентативна одбојка со посебен акцент на младите категории.
Одбојкарската федерација на Македонија во иднина ќе има нов генерален секретар, во името на поранешниот македонски репрезентативец и интернационалец Филип Деспотовски, додека функцијата комесар за натпреварување и понатаму ќе ја извршува Сања Никчевиќ.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
