Претседателот на Владата Христијан Мицкоски соопшти дека Владата донела нов пакет вонредни мерки за ублажување на последиците од глобалната енергетска криза, со кои се намалуваат акцизите на горивата и се продолжува намалениот ДДВ.
„Сакам да ја информирам јавноста дека до 20 април продолжуваме со намалената стапка на ДДВ од 18 на 10 проценти, а истовремено донесовме одлука за намалување на акцизите на дизелот за 4 денари, а за безоловните бензини 95 и 98 октански за 2 денари по литар. Тоа драматично ќе се почувствува кај цените на бензините и на дизелот со што практично покажуваме и докажуваме дека се бориме да го зачуваме стандардот на граѓаните“, кажа премиерот Христијан Мицкоски.
Во преговори со „ОКТА“ било договорено попустот да го продолжат до крајот на април.
Мицкоски посочи дека и покрај тоа што Македонија во моментов плаќа најевтин бензин во регионот, анализите на Владата покажуваат дека била потребна дополнителна интервенција со цел заштита на буџетите на домаќинствата и поддршка на економијата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
