Сите граѓански организации кои аплицираа по трите распишани Јавни повици ќе добијат финансиска поддршка од Општина Струмица. Вака денеска соопшти градоначалникот Костадин Костадинов кој денеска ги слушна проектните идеи на невладините за реализација ова година. Станува збор за финансиска поддршка во висина од околу 6 милиони денари а пари ќе добијат 26 граѓански организации кои аплицирале со проекти од областа на локалниот економски развој и туризам, заштита на животната средина, култура и млади, социјална и детска заштита и од Програмата за еднакви можности меѓу жените и мажите.
,,Јас сум задоволен од соработката и понудените проекти, а потврда за тоа е што сите доставени проекти по распишаните Јавни повици добија финансиска поддршка. Најважно е дека сите доставени проекти од Здруженијата на граѓани и Фондации од општина Струмица за 2023 година во рамките на општинските стратешки определби и политики, а во интерес на граѓаните, ја добија нашата финсиска поддршка. Како што знаете, целата постапка беше јавна и транспарентна, со формирање на Комисија за спроведување на Јавните повици, која го изврши и изборот на проектните иницијативи, а ќе ја следи и реализацијата на проектите. , рече Костадинов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
