Веќе извесен период Општинската комисија на Струмица врши проценка на штетите од поплавите во населените места Муртино, Сачево и Банско. Таму беа поплавени пластеници и дворови во непосредна близина на реката во која се влеаваат најдојдените води од Тркања. Поплавите се случија на 26 и 27 јануари а до 10 ти февруари беше рокот за пријавување штети.
„До Општинската комисија за проценка на штети стасаа 140 пријави. Станува збор за пријави од физички лица. Најмногу штети има пријавено по земјоделските посеви со пролетна зелка, поплавен расад и штети во дворните места. Пријави за штети има од Сачево Муртино и Банско“ не информираше Емилија Пандева од комисијата
Неисчистените речни корита и канали се една од причините заради кои настанаа поплавите во општина Струмица минатиот месец. Надојдените води го пробија трапот на реката Тркања кај Муртино, заради што настрадаа дворови, земјоделски посеви, подруми. Повеќе од една деценија не било исчистено коритото во кое освен шамак и трска се фрла отпад, пластика, амбалажа од земјоделски репроматријали. (С.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
