Вишокот тутун што им остана на тутунарите од склучените договори ќе се откупува после 15 февруари откако ќе заврши откупот на договорените количини. Ваков договор постигнале откупувачите со министерот Арјанит Хоџа и тутунарите на денешната средба во Скопје. Во меѓувреме тутунарите треба да ги пријават своите количини што не ги предале во подрачните единици на МЗШВ.
,, Веќе имаме 40 отсто откупен тутун и малку појасна слика од претходно. За жал, тоа што претпоставуваме дека имаме послаб тутун од лани се покажува секојдневно од сите податоци. Динамкиката на откуп е 700 тони дневно, сметаме дека ќе се испочтитува законскиот рок за откупот и нема да има потреба од негово поместување Сите откупувачи искажале подготвеност за откуп на вишоците. Тоа ќе се види заклучно со 15 февруари кога се очекува да заврши откупот на договореното, а останатите две недели од февруари ќе се откупува вишокот,, кажа Хоџа.
Договорениот тутун на компанијата „Далија Табак“ ќе го преземе Тутунскиот комбинат од Прилеп. Вака кажа министерот Арјанит Хоџа, откако делчевската компанија не успеа да ги обезбеди потребните пари за да го отпочне откупот, а струмичките туунари вчера протестираа. Станува збор за околу 440 тони тутун за кој „Далија Табак“ има договори, но бидејќи нема пари откупните пунктови оваа сезона не ги отвори.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
