Викендов во организација на ОК Наковски Волеј, во Струмица ќе се одржи третиот по ред меморијален меѓународен одбојкарски турнир во жени „Илија Караманов“ на кој че земат учество четири екипи. Освен домаќинките на турнирот чии натпревари ќе се одржат во салата при СОУ ,,Димитар Влахов,, учество ќе земат и Работнички од Скопје, Дрита од Косово и Скендербеу од Албанија.
Согласно програмата во сабота се мечевите меѓу Работнички Скопје и Скендербеу од Албанија кој е закажан во 16:30 часот а во 19:00 часот е дуелот меѓу струмичкиот тим ОК Наковски волеј и Дрита Гнилање од Косово. Поразените тимови од овие мечеви, во недела на вториот ден од турнирот во 11:00 часот ќе играат за 3 то место а победниците во 13:00 часот ќе се борат за првото место на турнирот „Илија Караманов“
Илија Караманов (1961-2019) остави белег и печат на струмичката одбојка. Тој целиот живот го посвети на одбојката, најпрво како активен играч во ОК “Југославија” во Струмица, а потоа и како прв тренер на истоимениот женски клуб. Караманов потоа работеше машката екипа на ОК “Струмица” како прв тренер и предводник на тимовите во младински категории. По завршувањето на тренерската кариера, постојано беше ангажиран и помагаше во работата на ОК “Струмица” и на ОК “Џио Струмица”.
,,Со квалитетна одбојкарска игра и во спортски дух да му оддадеме уште еднаш почит на нашиот струмичанец поранешен одбојкар, тренер и професор Илија Караманов. Очекуваме секоја екипа да покаже максимално добра игра а публиката да има повеќе моменти на уживање и спортско навивање,, објавија од ОК Наковски Волеј
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
