Денеска предпладне од засега непознати причини избувна пожар во семејна куќа на улицата „Крушевска Република“ во Струмица кој се проширил и на останатите кои лепат со неа. Станува збор за три куќи во горниот дел на градот покрај поројот, кои беа опфатени со пламените јазици.
На местото на настанот излегоа струмички пожарникари кои со неколку возила успеа да го локализираат пожарот за околу час и половина, потврди командирот на струмичката ТППЕ, Александар Гудев.
,, Пожарот беше пријавен во 10 часот и 55 минути по што веднаш интервениравме. На терен беа пет возила со 18 пожарникари кои успеа некаде после 12 часот да го локализираат. Две кровни конструкции се целосно изгорени а беше зафатен и трета куќа. Има голема матријална штета,, ни изјави Александар Гудев командир на ТППЕ Струмица кој апелираше до сопствениците на возилата во горниот дел на Струмица за прописно паркирање.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
