Ниту младите од Струмица и регионот не се имуни на карневалската магија по струмичките улици. Љубовта ја добиваат или преку карневалските групи или училиштата. Во Средното Општинско Училиште „Димитар Влахов“ дури 120 ученици и вработени се вклучени во изработката на нивната маска „Танцот на сонцето“. Едни кројат, други шијат и парче по парче ја составуваат маската. Секој со својата задача за да блеснат пред посетителите на Струмичкиот карневал
,, Работиме веќе со месеци. Со маската носиме радост, топлина и нов почеток. Едноставно ќе блеснеме“, кажаа средношколците задолжени за последните детали на маската
Друг дел од учениците ги учат чекорите за сценскиот настап на струмичкиот карневал. Во спортската сала со музичка поткрепа а под менторство на професорите, се вежба секое движење за да може да се пренесе пораката на својата маска
,,Струмичкиот карневал носи можност за другарување, креирање на одредени имагинации. Тоа е уметност за која вложуваме труд,, велат ученциите задолжени за сценскиот настап
Ништо поразлично не е ниту во Средното општинско училиште „Јане Сандански“. Група од десетина ученици кои се дел од целата маска која брои 60 тина ученици ги праваат последните подготовки на својата маска ,,Цветина свадба“.
,,Сите работиме и после трети час се собираме и работиме. Интересно е што во креацијата на маските и ние даваме сугестии и идеи,, кажаа средношколците од Јане Сандански
Учениците ги финишираа деталите од маската оти треба да го отсликат животот на македонците под турската османлиска власт. Со маските и сценски настап треба да ги отсликат жетварите но и една македонската традиционална свадба
,, Тоа е замислата и се надеваме дека ќе успееме“
Над 1000 учесници ќе бидат дел од Струмичкиот карневал годинава од кои 60 одсто од учесниците се млади кои на директен или индиректен начин ги креирааат маските и со сценските настапи ја шират карневалската магија во Струмица.(В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
