Бројот на заболени од сезонскиот грип во Струмица и регионот е двојно зголемен во однос на истиот период од лани, но нема простор за паника. Вака вели директорката на Центарот за јавно здравје Струмица Мери Гичева која подвлече дека станува збор за податоци врз основа на пријавите од матичните лекари во струмичко валандовскиот регион за кој е одговорен ЦЈЗ Струмица.
Со ова респираторно заболување опфатени се сите возрасти. Како што кажа Гичева зголемената бројка е очекувана и затоа нема простор за паника. Таа подвлече дека вакцинацијата е најдобра заштита од грипот односно за полесно да се помине со ова заболување.
,,Апелираме сите кои што имаат високи температури или кашлица превентивно да бидат изолирани за да вирусот не се шири. Да се избегне групирање во поголеми простории, чести проветрувања на објектите, одржување на лична хигиена и користење на дезинфекција, конзумирање течности и храна богата со витамини и минерали, поголеми одмори и редовен и квалитетен сон но и промена на стилот на живот со физичка и психичка активност со цел зајакнување на имунитетот“, кажа Гичева директор на Центар за јавно здравје Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
