Лидерот на СДСМ Венко Филипче ги објави првите 19 кандидати за градоначалници за престојните Локални избори. Во првиот турнус на официјалните кандидати за градоначалници ги соопшти и имињата со кои оваа партија ќе трча и во општините Богданци и Дојран.
Како што соопшти Филипче во Општина Богданци СДСМ ќе оди со Блаже Шапов актуелниот градоначалник. Таму веќе ВМРО ДПМНЕ го објави својот кандидат а тоа е Марјан Пеев.
Во Општина Дојран кандидат за градоначалник на престојните локални избори на СДСМ ќе биде Ристо Џинев вработен во шпедиција на граничниот премин и претседател на Советот пред еден мандат.
,,Овие кандидати се избрани врз основа на принципите коишто ги наведовме дека ќе важат за кандидирањето на овие луѓе. Избрани се со прилично широк консензус во општинските организации, луѓе кои што имаат и кредибилитет и легитимитет да ја побараат довербата, некои за првпат, некои повторно од граѓаните,, кажа Филипче за сите 19 кандидати што ги објави.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
