43 годишнатаВања Андонова од Струмица – жената борец, која ја опиша голготата на Онкологија и која речиси цела држава го сподели нејзиниот статус за борбата против подмолната болест на клиниката во Скопје, сега упатува повик за помош за лекување во Турција. Потребни се околу 60 илјади евра за испитувања и терапии, кои Вања и нејзиното семејство ги нема а и се потребни како што таа нагласи за да се грижи како мајка за своите деца.
,,Кога одлучив сега да побарам помош од вас и од Бога, тоа е за моите деца. Најсветото нешто за сите нас. За една година болеста се врати и веќе четврта година карциномот мутира, оди по негови правила и ми ги зафаќа лимфите по телото. Сите терапии кои ги понуди и имаше онкологија во Македонија се исцрпија. Сега стасав до таму да барам терапии во Турција, а тоа само по себе носи премногу пари. Сега најпрво ќе започнам со испитувања во болницата Анадолу во Истанбул,а потоа лечење по нивна одлука. За таа цел ми се потребни средства од донации,зашто ние самите веќе немаме финансиски можности да продолжиме,, објави Вања на еCrowd – прва краудфандинг платформа во Македонија за граѓанските организации.
Вања е посветена мајка на две мали деца. Секој ден живее со страв дека можеби никогаш повеќе нема да може да ги држи во раце. Но, таа не се откажува . Затоа апелира на помош . Вели дека дијагностицирањето рак на дојка и променила сѐ во нејзиниот живот, но нејзиниот дух останал непокорен.
,,Да не дозволиме да се изгуби живот затоа што вистинскиот третман бил недостапен. Да ѝ дадеме надеж на Вања. Да ѝ дадеме шанса да живее“, стои во објавата на платформата gofundme
За Вања може да се донира и на телефонски броеви. (M.K.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
