Општина Василево да ја градиме како заеднички дом. Ова беше пораката од градоначалникот на ова општина Марјан Јанев на свечената седница по повод 23 годишнината од постоењето на ова локална самоуправа. Тој истакна дека темелите се поставени од неговите претходници а со општинската администрација работи на подобрување на условите за живот во секое населено место
,,Со целосна почит кон трудот и резултатите на моите претходници, во денешното обраќање ќе се осврнам на периодот од последните две години, на кои гледам како на продолжување на заедничкиот проект „Општина Василево – наш заеднички дом“, чии темели ги постави првиот градоначалник, Добрин Андонов, за потоа континуираниот развој да го продолжат, Методи Митев, Славе Христов и Ванчо Стојанов. Како актуелен градоначалник во мојот двегодишен мандат, секојдневно, макотрпно, посветено, со целиот свој капацитет, заедно со мојот тим и општинската администрација се вложувам во нејзиниот развој, во нејзината изградба, оставајќи свој печат во секое населено место преку реализираните проекти кои значат подобар живот на целокупната заедница“, рече Јанев
Претседателот на Советот Крсте Панев истакна дека општината ја градат според потребите на граѓаните
,,Тргнувајќи од потребите и идеите на граѓаните чии интереси ги застапуваме и претставуваме, преку Одлуките, Плановите и Програмите што ги носиме, заедно со Градоначалникот и поддршката од општинската администрација, ги преточуваме во проекти со чија реализација ги уредуваме и развиваме нашите населени места, ја градиме нашата општина Василево, како локална заедница каде квалитетот на животот на сите граѓани, од сите населени места, е единственото мерило и критериум за развој“, рече Панев
Деловните партнери и соработници кои имаат посебен придонес во развојот и промоцијата на општината, добија Благодарници, како и ученици од двете основни општински училишта кои се истакнуваат со постигнатите резултати и воедно ја афирмираат и промовираат општина Василево.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
