Василевското комунално претпријатие „Турија“ од Василево во соработка со општинаа почна со интензивни активности во справувањето со дивите депонии.Од почетокот на календарската година до сега исчистени се неколку диви депонии во повеќе наслени места и тоа: во Пиперево – дивата депонија кај мостот, како и диви депонии во населените места Василево, Добрашинци и Дукатино
„Во деновите кога дозволуваат временските услови механизацијата е на терен и работи на расчистување на дивите депонии кои главно се наоѓаат покрај патиштата – на влезовите и излезите од населените места“, информираше . в.д директорот на ЈПКД „Турија“ Зоранчо Ѓеоргиев
На секоја исчистена дива депонија ЈПКД „Турија“ поставува информативна табла со натпис „забрането фрлање отпад“ како информација и последна опомена до граѓаните да не го фрлаат отпадот на јавните површини.
„Општината заедно со ЈПКД „Турија“ оваа година битката со справувањето со дивите депонии ќе ја води многу поенергично. Комуналните редари во партнерство со колегите од комуналното претпријатие ќе бидат постојано на терен и секое евидентирано фрлање па ѓубре од страна на граѓаните на јавна површина ќе биде санкционирано“ изјави градоначалникот на општина Василево Марјан Јанев кој рече дека ке се чистат сите диви депонии но и ќе се контролија кој каде ке фрла
Од општината и јавното претпријатие упатуваат апел до граѓаните отпадот да не го фрлаат на јавните површини туку да го депонираат на местата одредени за таа цел.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
