Општина Василево е најтранспарентна во нејзиното работење во рамки на Југоисточниот плански регион и општина која освен тоа што ги исполнува законските обврски за транспарентност користи и свои методи за да биде поблиску до граѓаните. Ова се резултатите од анализата за транспарентност при вработување во општините од Југоисточниот регион, направени од страна на Здружението на граѓани ПРОФИЦИО кое ги опфати сите 10 општини од овој дел на државата во рамките на проектот – Транспарентна и ефикасна локална власт – услов за развој !
На презентацијата на резултатите од истражувањето и анализата преставникот на општина Василево- Верче Миткова истакна дека освен информирањето на граѓаните во делот на она што значи законска обврска, општина Вaсилево континуирано подготвува и пласира информации кои се однесуваат на работењето на општината, на нејзините органи, независно дали тоа е во делот на надлежностите на градоначалникот, советот, општинската администрација или јавните претпријатија и установи основани од општината. 
Здружението ПРОФИЦИО даде и соодветни препораки до општините односно им наложи јавно да ги објават актите за систематизација и нивните измени , да се подобрат јавно достапните информации и отчетноста на општините при спроведување на постапките за вработување, да воспостават систем на континуирана обука и професионален развој со цел зголемување на квалитетот на јавните услуги.
Оваа анализа Здружението на граѓани ПРОФИЦИО ја има спроведено во рамки на проектот ..Транспарентна и ефикасна локална власт – услов за развој,, имплементиран од „Фондација Отворено општество – Македонија (ФООМ)“ и „Евротинк – Центар за европски стратегии“, а финансиски поддржан од Европската унија во рамки на IPA Civil Society Facility and Media Programme 2015
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
