Општина Василево деновиве во населеното место Едрениково изврши тампонирање на сите локални улици откако во ова село беше поставена фекална канализациона мрежа. Канализацијата како проек, го имплементираше Центарот за развој на Југоисточниот плански регион преку УНДП за што Швајцарската влада додели 10 милиони денари. Со оглед дека се постави примарна и секундарна мрежа а улиците беа раскопани и во лоша кондиција, општината ги санираше и тампонираше со цел да се подобри квалитетот на животот во ова населено место
Освен што се тампонираа селските улици, општина Василево изврши чистење на каналот односно речното корито кое минува по должина на целото населено место, за да се спречи излевање на атмосферските води при обилни врнежи од дожд
Населеното место Едрениково освен канализација ќе добие Пречистителна станица од проектот „Управување со сливот на реката Струмица“ за што во март УНДП распиша тендер. Пречистиелната станица ќе чини околу 15 милиони денари
,,Со изградбата на Пречистителната станица но и примарната и секундарна канализациона мрежа во едрениково сакаме да овозможиме зачувување на здравата животна средина од една страна и да ги подобриме условите за живот за граѓаните од друга страна’’, кажа во март градоначалникот на Василево Марјан Јанев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
