Советот на општина Василево на вонредна седница, донесе Одлука за сопствено учество на Општината за реализација на проектот за изградба на улица во с.Добрашинци. Станува збор за улица за чија изградба се бараат средства од Бирото за регионалне развој а согласно критериумите сопствено учество треба да има и локалната самоуправа со одлука на Советот. Токму ова го истакна градоначалникот на Василево Марјан Јанев кој причината за вонредниот карактер на седницата е рокот за доставување на документите за реализација на проектот за улица во с. Добрашинци а Одлуката за сопствено улество на општината донесена од Советот е еден од задолжителните документи што се бара. Согласно Одлуката, учеството на општина Василево изнесува 2 223 699 денари а од Бирото за регионален развој се побаруваат 3 000 000 денари потенцираше градоначалникот Јанев
На седницата Донесена беше и одлука за одобрување за користење на средства за финасирање на доспеани а неплатените обврски на општна Василево, која всушност се однесува на средствата одобрени од Владата за подмирување на долговите на општините и единките корисници. Конкретно, единките корисници ООУ„Атанаса Нивичански“, Нова Маала и ЈОУДГ„Прва радост“, Василево, средствата одобрени за подмирување на нивните долгови, ги отстапуваат на општина Василево. Причината е поради тоа што ниту еден од доверителите, не се пријавил за спогодбено утврдување на износот, во рокот определен со Јавниот повик на Општина Василево со кој се повикуваа доверителите кои имаат доспеани а ненаплатени обврски евидентирани во Електронскиот систем за пријавување и евиденцијата на обврските заклучно со месец септември 2018 година. ЈОУДГ„Прва радост“, Василево отстапи 85 691 ден. а ООУ„Атанаса Нивичански“, Нова Маала 342 391 денари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
