Триесет општини денес добија механизација преку Проектот за подобрување
на општински услуги-МСИП, кој го спроведува Министерството за финансии.
Станува збор за десет ровокопачи во вредност од 45,7 милиони денари, кои се
обезбедени како грант средства од ЕУ. Со ова ќе се обезбедат подобри
општински услуги за околу 300.000 граѓани кои живеат во руралните општини.
Од Југоистокот ровокопачи добија општините – Василево кој ке го користи заеднички со Босилово и Ново село но и Радовиш и Конче . Станува збор за универзални машини со кои општините треба да издаваат поквалитетни услуги на граѓаните. Како што од поодамна изјавија истите ќе се користат наизменично а одржувањето ќе биде заеднички на локалните самуправи
,,Општина Василево како носител во проектот “Подобрување на општински услуги” и воедно рамноправен партнер со општините Босилово и Ново Село изразува благодарност до Владата односно Министерството за финансии а посебна благодарност до ЕУ како партнери и донатори кои овозможија да се добие грант односно универзален ровокопач. Огромна е потребата од ваков ровокопач особено во одржување на патишта, посебно на полските, чистење на канали, зимско одржување на локални улици и патишта, и истиот ќе се користи рамноправно од страна на трите општини,, ни изјави градоначалникот на Василево Марјан Јанев
Денеска во Битола во дворот на ,,Синпекс,, се потпишаа Договорите за примопредавање на ровокопачите помеѓу Министерство за финансии и десетте општини кои беа носители на проектот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
