Поранешниот капитен на ОК Струмица – Васе Михаилов кој минатата сезона со младинските категории ги освои сите шампиоснки титули е назначен за прв тренер на шампионот Струмица. Со него струмичкиот прволигаш ќе се обиде да ја одбрани шампионската но и да ја нападне Куп титулата.
„Со огромна гордост ја објавуваме промоцијата на нашиот поранешен капитен, човекот кој 15 години беше срцето и моторот на екипата, во тренер . Како играч, тој остави неизбришлива трага во историјата на клубот освојувајки 10 шампионски и 8 Куп титули“ објави клубот на ФБ
Михаилов беше дел и од македонската одбојкарска репрезентација каде во моментов е помошник тренер. Во Струмица по завршување на играчката кариера беше помошник и одговорен за младите кои се на врвот на мак одбојката
“Денес започнува ново поглавје – од капитен на теренот, до лидер покрај аут-линијата. Веруваме во неговата визија, карактер и победнички менталитет“, напишаа од клубот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
