За време на Божиќните празници во Босилово се одржа првиот шаховски турнир организиран од Општината и ШК Цареви Кули од Струмица. Вкупно 18 натпреварувачи се докажуваа на шаховските табли во текот на двата натпреварувачки дена при што се одиграа вкупно 11 кола. Како што информираше Алескандар Јефтимов од ШК ,, Цареви Кули“ на турнирот имало претежно млади а се играше 11 кола по Швајцарски систем од кои првиот ден пет а во вториот ден шест кола.
Најдобар на турнирот беше Ванчо Мишев од Моноспитово кој освои 10 поени исто колку што и Ѓорге Василев од Босилово кој имаше за 0,5 послаб Бухолц . Трет на турнирот беше младиот Мартин Велков од Моноспитово кој од можни 11 освои 8 поени. Веднаш зад водечката тројка се пласираа Михаил Златанов и Надица Велкова по 7, Панче Панчев со 6 а Ване Вргов освои 5,5 поени.
Организаторите изразија задоволство од интересот за шаховскиот турнир пред се од младите кои покажале добри шаховски партии. Првите тројца добија симболични награди а дел од учесниците добија и ваучери за бесплатна школа во ШК Цареви Кули Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
